Investigación +
Menu
menu

Licenciado en Ciencias Políticas pola USC, con estudos nas universidades de Minho, Granada, e University College Cork e conto cun Máster Internacional en Tecnoloxías da Información. Entre os ámbitos de traballo nos que participo atópase a investigación militante, o activismo cultural, a creación contemporánea e o impulso de espazos de participación social.

Actualmente coordino o Programa de Estudos en Man Común Ruralidades, Feminismos e Comúns, impulsado pola USC e coordinado por Montenoso, (e unha ampla rede de colaboradores) que conta co financiamento da prestixiosa fundación franco-española Daniel & Nina Carasso a través da Convocatoria Arte Cidadá 2015 – Compoñer os saberes para comprender mellor os desafíos do mundo contemporáneo.

Así mesmo coordino o CulturaLab do Máster en Servizos Culturais da USC, un espazo experimental de aprendizaxe baseada en metologías de aprender facendo, na que o alumnado se converte en protagonista ao ser eles os que seleccionan os participantes e co-xestionan as accións.

Á vez co-coordino Montenoso, un proxecto de praxe contemporánea ao redor dos montes veciñais en man común, que expuxo no MARCO, impulsado unha cartografía crítica e co que obtivemos unha Mención de Honra na categoria Dixital Communities no Ars Prix Electronica 2014.

Á vez e xunto a Andrea Olmedo, diriximos o proxecto de investigación Ruraldecolonizado, camiñando por pluralismo epistemológicos que conta co apoio do MUSAC e do CGAC.

Escribín en revista como Teknokultura, Tempos Novos, Encrucilladas, A Descomunal ou Derritaxes e coordinei a polifonia de escritos Montes Vacas e Procomún, editada polo MediaLab Prado. Así mesmo participei en diferentes charlas en espazos como Ars Santa Monica, MUSAC, USC, University of Pennsylvania, MARCO, UVIGO, Media Lab Prado, entre outros.

No 2015 obtiven o Premio Emprende Gaias Sixto Seco, outorgado pola Cidade da Cultura no ámbito de emprendimiento cultural, polo proxecto empresarial Kolectiv, Oficina de Investigación + Creatividade + innovación